काठमाडौं । गाजामा रहेको हमास स्वास्थ्य मन्त्रालयले कुपोषणका कारण मृत्यु भएका व्यक्तिहरूको संख्याको बारेमा एक विज्ञप्ति जारी गरेको छ।

हमासद्वारा सञ्चालित स्वास्थ्य मन्त्रालयले विगत २४ घण्टामा अनिकाल र कुपोषणका कारण थप दुई जनाको मृत्यु भएको जनाएको छ। योसँगै भोकमरीका कारण मृत्यु हुनेको कुल संख्या ११३ पुगेको छ।

यस हप्ताको सुरुमा, संयुक्त राष्ट्रसंघका महासचिव एन्टोनियो गुटेरेसले गाजाको २१ लाख जनसंख्याले आधारभूत आपूर्तिको गम्भीर अभावको सामना गरिरहेको, कुपोषण “बढ्दो” र गाजामा “भोकमरीले हरेक ढोका ढकढक्याइरहेको” बताएका थिए।

बीबीसी रेडियो ५ लाइभसँग कुरा गर्दै, इन्डिपेन्डेन्टका प्रमुख अन्तर्राष्ट्रिय संवाददाता बेल ट्रूले भने: “गाजाका लाखौं मानिसहरूसँग आफैंलाई खान पुग्ने खाना छैन भन्ने कुरा स्पष्ट छ।”

“विश्वभरका मानव अधिकार संगठनहरू र सहायता एजेन्सीहरू आफ्नै मानिसहरूलाई खाना उपलब्ध गराउन संघर्ष गरिरहेका छन्,” ट्रुले भने।