काठमाडौं । इजरायली विपक्षी नेता यायर लापिडले गाजामा युद्ध बढाउने सरकारको योजनाको विरोधमा राष्ट्रव्यापी हडतालको आह्वानलाई समर्थन गरेका छन्।

उनले भनेका छन्, “अर्को आइतबार हुने विरोध उचित र जायज छ।” यसअघि, हमासद्वारा बन्धक बनाइएका एक व्यक्तिकी आमाले राष्ट्रव्यापी हडतालको लागि अपील गरेकी थिइन्।

हमास-इजरायल द्वन्द्वमा मारिएका इजरायली बन्धकहरू र परिवारहरूले गाजामा प्रस्तावित आक्रमणहरूले बन्धक र सैनिकहरूको जीवनलाई खतरामा पार्ने बताएका छन्।

इजरायलले तयार पारेको यो आक्रमण योजनाको बारेमा छलफल गर्न संयुक्त राष्ट्र सुरक्षा परिषद्को बैठक पनि न्यूयोर्कमा आयोजना हुँदैछ। यसैबीच, प्रधानमन्त्री बेन्जामिन नेतान्याहूले पत्रकार सम्मेलन गर्ने भएका छन्।

इजरायलको यो निर्णयको अन्तर्राष्ट्रिय स्तरमा तीव्र आलोचना भएको छ।