काठमाडौं । ब्राजिलको पराना राज्यको कुरिटिबा शहर नजिकैको एक कारखानामा भएको विस्फोटमा छ पुरुष र तीन महिलाको मृत्यु भएको छ।

यो जानकारी आपतकालीन सेवाका अधिकारीहरूले दिएका छन्। स्थानीय समय अनुसार मंगलबार बिहान कारखानामा धेरै मानिसहरू काम गरिरहेको बेला विस्फोट भएको थियो।

यस विस्फोटमा मृत्यु हुनेहरूका साथै ७ जना घाइते भएका छन्। यसैबीच, परानाका सुरक्षा मन्त्रीले पछि घोषणा गरे कि “अब जीवितै फेला पर्ने कुनै आशा छैन।”

कारखानाको स्वामित्वमा रहेको एनेक्स कम्पनीले विस्फोटको कारणको अनुसन्धान गरिरहेको बताएको छ।