काठमाडौं । अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीच आज अमेरिकाको अलास्कामा भेटवार्ता हुने कार्यक्रम छ।

डोनाल्ड ट्रम्पले पुटिनसँगको आफ्नो भेटघाट ‘राम्रो’ भयो भने उनले युक्रेनी राष्ट्रपति भोलोडिमिर जेलेन्स्कीलाई फोन गरेर दोस्रो चरणको बैठकको व्यवस्था गर्ने बताएका छन्।

यद्यपि, यदि कुरा राम्रो भयो भने जेलेन्स्की थप वार्ताको लागि तयार हुन्छन् कि हुँदैनन् भनेर सोध्दा, ट्रम्पले जवाफ दिए ‘म यसको अनुमान लगाउने छैन।’

युक्रेनी र रुसी क्षेत्राधिकारको बारेमा, ट्रम्पले भनेका छन् – युक्रेन र रुस बीच सीमाको बारेमा “सहमति” हुनु आवश्यक छ। फक्स न्यूज रेडियोसँगको कुराकानीमा उनले यी कुराहरू भनेका हुन्।

ट्रम्पले भनेका छन् – यदि कुरा उनको योजना अनुसार भएन भने, उनी संयुक्त पत्रकार सम्मेलन गर्नेछैनन् बरु पत्रकारहरूलाई एक्लै सम्बोधन गर्नेछन्।

क्रेमलिन र ह्वाइट हाउस दुवैले भोलि हुने वार्तापछि दुई नेताले संयुक्त पत्रकार सम्मेलन गर्ने बताएका छन्।