काठमाडौं । पश्चिम बंगालको पूर्वी बर्धमान जिल्लामा भएको सडक दुर्घटनामा १० जनाको मृत्यु भएको छ भने ३५ जना घाइते भएका छन् ।

“शुक्रबार बिहान, तीर्थयात्रीहरू बोकेको एउटा निजी बस पूर्वी बर्दवानबाट दुर्गापुर जाँदै गर्दा सडकमा पार्क गरिएको ट्रकको पछाडि ठोक्कियो,” एक अधिकारीले समाचार एजेन्सी पीटीआईलाई बताए।

बस र ट्रक ठोक्किँदा १० जनाको घटनास्थलमै मृत्यु भएको छ। घाइते सबैलाई वर्धमान मेडिकल कलेज अस्पतालमा भर्ना गरिएको छ। दुर्घटनामा परेका सबै तीर्थयात्री बिहारका बासिन्दा भएको बताइएको छ।