काठमाडौं । बिगबोस ओटीटी विजेता एल्भिश यादवको घरमा ३० राउण्ड गोली प्रहार भएको छ । आइतबार गुरुग्राममा रहेको यादवको घरमा केही व्यक्तिले गोली चलाएका हुन्।

एल्विश यादवका बुबा राम अवतार यादवले तीन जना अपराधीले आफ्नो घरमा लगभग २५ देखि ३० राउन्ड गोली चलाएको दाबी गरेका छन्।

पीटीआईसँग कुरा गर्दै उनले भने, “गोलीबारी घटना हुँदा हाम्रो परिवार घरमा उपस्थित थियो, यद्यपि एल्विश कामको लागि बाहिर थिए।”

उनले यो घटना हुँदा आफू सुतिरहेको बताए। उनले भने, “हामीलाई विश्वास छ कि प्रहरीले राम्रोसँग काम गरिरहेको छ।”

पीटीआईका अनुसार प्रहरी घटनास्थलमा पुगेको छ र प्रमाण सङ्कलन गरिरहेको छ।

राम अवतारले भने, “लगभग २५ देखि ३० राउन्ड गोलीबारी भएको थियो। सीसीटीभी फुटेजमा तीन जना देखिन्छन्, जसमध्ये दुई जना स्पष्ट रूपमा देखिन्छन्।”