काठमाडौं । युरोपेली संघका एक शीर्ष कूटनीतिज्ञले रुससँग शान्तिको बदलामा युक्रेनलाई आफ्नो भूमि त्याग्न दबाब दिनु एउटा चाल भएको बताएका छन्। उनी भन्छिन् कि यो रुसी राष्ट्रपति भ्लादिमिर पुटिनको चाल हो।

युरोपेली संघका शीर्ष कूटनीतिज्ञ काजा कालासले ह्वाइट हाउसमा युरोपेली संघका नेताहरू र अमेरिकी राष्ट्रपति डोनाल्ड ट्रम्पबीच भएको युक्रेन शान्ति वार्तापछि बीबीसीको टुडे कार्यक्रममा भनेकी छिन्, रुसले युद्धको समयमा कब्जा गरेका युक्रेनका क्षेत्रहरू आफूसँगै राख्न चाहन्छ।

उनले भनिन्, “यो त्यो चाल हो जसमा पुटिनले हामीलाई फसाउन चाहन्छन्। त्यसैले, भविष्यमा हुने कुनै पनि शान्ति सम्झौता अन्तर्गत युक्रेनलाई आफ्नो भूमि त्याग्न बाध्य पार्नु हुँदैन। हामी रूसको यो मनसायप्रति सतर्क हुनुपर्छ।”

पूर्वी युक्रेनको डोनबास क्षेत्र लामो समयदेखि रुसको निशानामा रहेको छ। रुसी आक्रमणका कारण पछिल्लो दशकमा १५ लाख युक्रेनीहरू बसाइँ सर्नु परेको छ।

युक्रेनले शान्तिको बदलामा डोनबासलाई रूसलाई सुम्पन सकिने कुरालाई निरन्तर अस्वीकार गर्दै आएको छ। यद्यपि, डोनाल्ड ट्रम्पले क्षेत्रहरू साट्ने सुझाव दिएका छन्।

गत हप्ता, फ्रान्स, जर्मनी, इटाली र फिनल्याण्ड जस्ता प्रमुख युरोपेली संघका देशहरूले ह्वाइट हाउसमा युक्रेनी राष्ट्रपति भोलोडिमिर जेलेन्स्कीसँग वार्ता गरे। यसपछि, उनीहरूले डोनाल्ड ट्रम्पसँग पनि भेट गरे।

रुसी राष्ट्रपति भ्लादिमिर पुटिन र अमेरिकी राष्ट्रपति डोनाल्ड ट्रम्पबीच अलास्काको एक सैन्य अड्डामा भेटवार्ता भएको थियो।

रुस-युक्रेन युद्ध अन्त्य गर्ने बारेमा कुराकानी भएको भनिएको थियो।