काठमाडौं । नेपाल प्रिमियर लिग (एनपीएल)सिजन २ को उद्घाटन खेलमा जनकपुर बोल्ट्सले काठमाण्डु गोर्खाजलाई १३१ रनको लक्ष्य दिएको छ ।

सोमबार कीर्तिपुरस्थित त्रिवि मैदानमा जारी खेलमा टस हारेर पहिला व्याटिङ गरेको जनकपुर बोल्ट्सले काठमाडौं गुर्खाजलाई २० ओभरमा ६ विकेट गुमाएर १३१ रनको लक्ष्य दिएको हो ।

जनकपुरका ओपनर आशिफ शेखले भने अर्धशतक पूरा गरे। उनले ४१ बलमा ६ चौका र एक छक्कासहित ५४ रन बनाए। यस्तै मयन यादवले ३४ तथा लाहिरु समराकनले २२ रन बनाए। काठमाण्डुका मिलिन्द कुमार तीन विकेट लिए।