काठमाडौं । अमेरिकी राष्ट्रपति डोनाल्ड ट्रम्पले युक्रेनी नेताहरूले युद्ध अन्त्य गर्ने अमेरिकाको प्रयासको लागि ‘अलिकति पनि धन्यवाद’ नदिएको बताएका छन्।

“युक्रेनको ‘नेतृत्व’ ले हाम्रो प्रयासको लागि हामीलाई धन्यवाद दिएको छैन र युरोपले अझै पनि रूसबाट तेल किनिरहेको छ,” उनले सामाजिक सञ्जाल साइट ट्रुथ सोशलमा लेखे।

ट्रम्पले लेखे, “मैले यस्तो युद्ध विरासतमा पाएको छु जुन कहिल्यै हुनुहुँदैनथ्यो। यो युद्ध सबैका लागि हानिकारक छ, विशेष गरी लाखौं मानिसहरूका लागि जसले अनावश्यक रूपमा आफ्नो ज्यान गुमाएका छन्।”

रुस-युक्रेन युद्धको बारेमा जेनेभामा अमेरिका, युक्रेन र यसका युरोपेली सहयोगीहरूको प्रतिनिधिमण्डल वार्ता गरिरहेको बेला ट्रम्पले यो पोस्ट गरेका हुन्।