काठमाडौं । देशका विभिन्न स्थानमा तीन जनाको शव फेला परेको छ।

सप्तरीको राजबिराज नगरपालिका-१३ बिसहरिया टोल बस्ने ३० वर्षीया बेचनी देवी सदा आफ्नै घरमा मंगलबार मृत अवस्थामा फेला परेकी छन्।

तेह्रथुम, आठराई गाउँपालिका-३ ह्राकु बस्ने ३३ वर्षीया आईतरानी दास आफ्नै घरमा मंगलबार मृत अवस्थामा फेला परेकी छन् ।

कास्की, पोखरा महानगरपालिका-१४ बिजयपुरस्थित बिजयपुर खोलामा सोही महानगरपालिका-२६ बस्ने पर्वत मोदी गाउँपालिका-९ देउपुर घर भएका ५१ वर्षीय आइत बहादुर नेपाली मंगलबार मृत अवस्थामा फेला परेका छन्।

तीनै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।