काठमाडाैं। काठमाडौं उपत्यकामा ट्राफिक नियम उल्लंघन गर्ने ६५८ सवारीसाधनमाथि कारबाही गरिएको छ।

काठमाडौं उपत्यका ट्राफिक प्रहरी कार्यालयका अनुसार २०८३ असोज २८ गते बिहान ६ बजेसम्मको २४ घण्टाको अवधिमा सो सङ्ख्यामा सवारीसाधनलाई कारबाही गरिएको हो।

कारबाहीमा पर्नेहरूमा मादक पदार्थ सेवन (मापसे) गरी सवारीसाधन चलाउने ४७, तीव्र गतिमा हाँक्ने ६६ र सिसिटिभी फुटेजमार्फत पहिचान गरिएका २३ सवारीसाधन रहेका छन्।

यसैगरी, ट्राफिक बत्तीको इशारा उल्लंघन गर्ने २३, यान्त्रिक अवस्था ठीक नभएका ३१, लेन अनुशासन पालना नगर्ने नौ, अनावश्यक रूपमा हर्न बजाउने आठ र एकतर्फी (वान-वे) सडकमा नियम मिच्ने दुई सवारीसाधनमाथि पनि कारबाही गरिएको छ।

यस्तै अन्य विभिन्न प्रकारका ट्राफिक नियम उल्लङ्घन गर्ने ४४९ सवारीसाधनलाई नियन्त्रणमा लिई कारबाही गरिएको ट्राफिक प्रहरीले जनाएको छ।