काठमाडौं। पछिल्लो समय नेपाली फिल्म उद्योगमा विचित्रका नाम राखेर फिल्म ल्याउने ट्रेण्ड चलिरहेको छ। बरिष्ठ कलाकार हरिवंश आचार्यले ‘दाल भात तरकारी’ नामको फिल्म बनाउने घोषणा गरेको केही दिनमै अर्को फिल्म घोषणा भएको छ । फिल्मको नाम हो ‘मासुभात’। यो फिल्ममा नायक सौगात मल्ल र नायिका श्रृष्टी श्रेष्ठको जोडी देखिनेछ।

वास्तविक जीवनमा समेत प्रेममा रहेका सौगात र श्रृष्टिलाई लिएर बन्न लागेको चलचित्रको नाम ‘मासु भात’ राखिएको छ। यो चलचित्रलाई सञ्जिव न्यौपानेले निर्देशन गर्दैछन्। चलचित्रका अन्य कलाकार र कथावस्तुको बारेमा पत्रकार सम्मेलनको आयोजना गरेर जानकारी दिने न्यौपाने बताउँछन्।

यसअघि ‘दाल भात तरकारी’को निर्माण घोषणा भैसकेको छ। अब, ‘मासु भात’ नाममा चलचित्र बन्ने भएको हो । चलचित्र ‘लालपूर्जा’मा काम गरेपनि सौगात र श्रृष्टीले पर्दामा एकसाथ देखिने मौका भने पाएका थिएनन्। रियल लाइफ जोडीलाई लिएर चलचित्र बनाउने क्रम बढेको समयमा सौगात र श्रृष्टीलाई पर्दामा पनि हेर्न दर्शकको उत्सुकता भने हेर्न बाँकी नै छ।