काठमाडौं। चलचित्र ‘सरौतो’को लोक लयको गीत सार्वजनिक गरिएको छ।

राजनराज शिवाकोटी र मिलन नेवारको स्वरमा रहेको ‘रिङ्ग टिङ्ग टिङ्ग’ बोलको गीत युट्युबमार्फत सार्वजनिक गरिएको हो। गीतमा राजनराजकै शब्द तथा संगीत छ। गीतको भिडियोमा चलचित्रका मुख्य कलाकार सुमी मोक्तान र सन्नी सिंह फिचर्ड छन्।

कार्तिक २९ गतेदेखि प्रदर्शनमा आउने चलचित्रलाई हरी हुँमागाईले निर्देशन गरेका हुन्। चलचित्रमा सुमी र सन्नीसँगै विजय लामा, युवराज लामा, धिरेन शाक्य, आमिर गौतम, अरुणा कार्की लगायतको अभिनय छ।

राघव कृष्ण गौतमको लेखन रहेको चलचित्रले बदलाको कथा भन्छ।