काठमाडौं। भारतमा रहेका नेपाली घर फर्किन चाहेको खण्डमा उनहिरुलाई नेपाल पठाउनको लागि आवश्यक व्यवस्था मिलाउन भारतको उत्तर प्रदेशका मुख्यमन्त्री योगी आदित्यनाथले निर्देशन दिएका छन् । उनले आफ्नो राज्यका अधिकारीहरुलाई जो नेपाली घर फर्किन चाहन्छन् उनीहरुलाई नेपाल भारत सीमासम्म पुर्याउने र जो नेपाल फर्किन चाहँदैनन् उनीहरुलाई पनि त्यहाँ बस्ने आवश्यक प्रबन्ध मिलाउन निर्देशन दिएका हुन् ।

उत्तर प्रदेश में निवासरत नेपाल राष्ट्र के जो लोग वापस जाना चाहते हैं, उनकी वापसी की व्यवस्था की जाए, तथा जो लोग यहां रुकना चाहते हैं, उनके लिए आवश्यक प्रबन्ध सुनिश्चित किए जाएं: मुख्यमंत्री श्री @myogiadityanath जी

— Yogi Adityanath Office (@myogioffice) May 11, 2020

रोजगारी तथा अन्य कामका सिलसिलामा उत्तर प्रदेशमा रहेका नेपालका नागरिकले घर फर्किन चाहे उनीहरुको व्यवस्था मिलाउन अधिकारीहरुलाई निर्देशन दिइएको मुख्यमन्त्रीको सचिवालयले ट्वीटरमार्फत जानकारी दिएको छ। त्यसैगरी योगीले लकडाउनका कारण उत्तर प्रदेशमै बस्न चाहने नेपालीका लागि पनि आवश्यक प्रबन्ध मिलाउन स्थानीय अधिकारीलाई निर्देशन दिएका छन्। उत्तर प्रदेश नेपालको पश्चिम कञ्चनपुरदेखि नवलपरासीसम्मका जिल्लाहरुसँग जोडिएको छ । दिल्ली तथा अन्य ठाउँबाट घर फर्किरहेकाहरु यहीँ राज्य भएर नेपाल आउन खोजिरहेका छन्। तर, नेपालतिर भने आउन दिइएको छैन।