काठमाडौं। अमेरिकी गायिका टेलर स्विफ्ट अहिले चर्चामा छिन् । २९ मेमा उनले गरेको एउटा ट्वीट ट्वीटरमा निकै लोकप्रिय भएको छ । उनको यो ट्वीटमा २ दिनभित्रै २० लाखभन्दा धेरै लाइक आइसकेका छन् । ४ लाख ३५ हजारभन्दा धेरै रिट्वीट भएको छ र १ लाखभन्दा धेरैले प्रतिक्रिया दिएका छन् । यो ट्वीटमा उनले राष्ट्रपति डोनाल्ड ट्रम्पप्रति आक्रामक रुपमा प्रस्तुत भएकी छिन् ।

After stoking the fires of white supremacy and racism your entire presidency, you have the nerve to feign moral superiority before threatening violence? ‘When the looting starts the shooting starts’??? We will vote you out in November. @realdonaldtrump

— Taylor Swift (@taylorswift13) May 29, 2020

यो ट्वीटमा टेलर स्विफ्ले अमेरिकाको मिन्नेसोटा राज्यको मिनियापोलिसमा अश्वेत नागरिक जर्ज फ्लोएडको हत्या भएको घटनामा अमेरिकी राष्ट्रपतिको प्रतिक्रियाप्रति तीखो प्रतिक्रिया दिएकी छिन् । उनले लेखेकी छिन् ‘नस्लीयता र गोराहरुको सर्वोच्चतामा पूरै राष्ट्रपतिकाो कार्यकाल आहुती दिएपछि अब तपाइँ हिंसाको धम्की दिनुभन्दा पहिले नैतिकताको कुरा गर्दै हुनुहुन्छ ? ‘ह्वेन द लुटिङ स्टार्ट सुटिङ स्टार्ट ?’ हामी तपाइँलाई नोभेम्बरमा भोट आउट गरिदिनेछौं ।’

अमेरिकी राष्ट्रपति डोनाल्ड ट्रम्पको छवि आप्रवासी विरोधीको छ । काला जातिका नागरिकलाई अमेरिकामा आप्रवासीको रुपमा विभेदपूर्ण व्यवहार गरिएका घटनाहरु अझै पनि भेटिन्छन् । आगामी नोभेम्बरमा राष्ट्रपतिको चुनावका बेला यसरी राष्ट्रपतिको विरोध हुनुलाई निर्वाचनमा उनको पराजयको कारण बन्न सक्ने रुपमा हेरिएको छ । आगामी निर्वाचनमा राष्ट्रपति ट्रम्प दोस्रो कार्यकालको लागि लड्दैछन् । फोर्ब्सले टेलर स्पीफ्टको यो ट्वीटले ट्रम्पलाई हराउन भूमिका खेल्ने लेखेको छ ।