यूएईमा कानुन खुकुलो बनाइयो, अविवाहित जोडी साथमा बस्न पाउने, मदिरा पिउन खुकुलो – Dcnepal

यूएईमा कानुन खुकुलो बनाइयो, अविवाहित जोडी साथमा बस्न पाउने, मदिरा पिउन खुकुलो

काठमाडौं। संयुक्त अरब इमिरेट्स (यूएई)ले शनिबार आफ्नो कानुनमा ठूलो संशोधनको घोषणा गरेको छ । अब यहाँको ‘मुस्लिम पर्सनल ल’ संशोधन भएसँगै यहाँ अविवाहित जोडी साथमा बस्न कानुनी रुपमा अनुमति पाउनेछन् । लामो समयदेखि यूएईमा लिभिङ टुगेदरलाई अपराध मानिन्थ्यो तर अब त्यसो हुने छैन । मुस्लिम देशमा हराम मानिने मदिराको सेवनमा पनि केही छुट दिइएको छ । ‘अनर किलिङ’ अर्थात परिवारको प्रतिष्ठाको नाममा स्वेच्छाले विवाह गर्ने छोरीको हत्यालाई अब अपराध मानिनेछ ।

अल जजीराको रिपोर्टअनुसार यूएईले कानुनमा संशोधन गरेर व्यक्तिगत स्वतन्त्रताको दायरा बढाएको छ । यूएईले इस्लामी कानुन हुँदाहुँदै पनि पर्यटक, विदेशी व्यवसायी र उद्योगहरुलाई आकर्षित गर्नको लागि पश्चिमी संस्कृतिलाई स्थान दिएको छ । यसलाई नयाँ यूएईको दिशामा बढाइएको कदम भनिएको छ । यूएईको सरकारी समाचार एजेन्सीले नयाँ शाही आदेशबारे जानकारी दिएको हो । आदेशमा यी सुधारको उद्देश्य देशको आर्थिक र सामाजिक प्रतिष्ठालाई प्रोत्साहित गर्नु र देशले सहिष्णुताको सिद्धान्तलाई बलियो बनाइरहेको सन्देश विश्वलाई दिनु भएको बताइएको छ ।

Facebook Comment


सम्बन्धित खवर

ताजा भिडियो