उत्तर तिर चीनको पर्खाल दक्षिणमा फाँट छ।
यो मेरो देश जगतको सुन्दर हो भन्ने ऑट छ ।।
१
पूर्वमा घाम उदाउने देशको मेचीमा सिमा छ!
कालीको तिरमा गण्डकी भिरमा दुखेको मन छ !!
२
हिमका शैल क्षितिजसम्म बैँशमा हाँस्दछन !
चन्द्रले पनि यही पल देखि मोहनी गाँस्दछन् !!
३
हामीलाई हाम्रो देशको मायाँ आमा झैँ लाग्दछ !
सिमामा पुगी पहरा देऊ
भनि मुटुले नै भन्दछ।।
४
गौरव शाली इतिहाँस मेरो
छ है जन्म भूमिको।
यो देशकालागि जीवन दिने ति वीर सपुतको ।।
५
नजर भरी यो देशलाई हेरी जगत आई डुल्दछन्।
विश्वमा किर्ती राख्नलाई शेर्पा हिमाल चढ्दछन् !
६
इतिहास हाम्रो वीरको कथा पत्थरमा लेख्दछौँ
सहिदले रगत पोखेको भूमि गौरवले भन्दछौँ ।।
७
ईश्वर पनि कैलाश मुनि ॐकार गाउॅदछन ।
बाँसुरी घुन श्यामले राधा लिई बजाउॅदछन्
८
कर्णाली ,काली देशमा जलको भण्डार भरेर ।
नेपाली सारा एक जुट बन्दै पौरख गरेर ।।