आइपिएलमा आज हुनुपर्ने कोलकाता र बैंगलोरको खेल नहुने – Dcnepal

आइपिएलमा आज हुनुपर्ने कोलकाता र बैंगलोरको खेल नहुने

काठमाडौं। इण्डियन प्रिमियर लिग (आइपिएल)मा आज हुने तय भएको कोलकाता नाइटराइडर्स र रोयल च्यालेन्ज बैंलोरबीचको खेल रद्द भएको छ । आज अहमदाबादमा हुने तय भएको खेल कोलकाताका २ जना खेलाडीहरु कोरोना संक्रमित भएपछि रद्द भएको हो । इएसपिएनक्रिकइन्फोका अनुसार कोलकाताका स्पिनर बरुण चक्रवर्ती र सीम बलर सन्दिप वारियर संक्रमित भएका छन् ।

२०२१ को सिजन सुरु भएपछि आइपिएल टिम बबलभित्र खेलाडी संक्रमित भएको यो पहिलो घटना हो । चक्रवर्ती हालै घाइते काँधको उपचार गराउनको लागि आइपिएल टिमको बायो बबलबाट बाहिर निस्केर अस्पताल गएका थिए । उनी त्यहीँ संक्रमित भएको हुन सक्ने आशंका गरिएको छ । चक्रवर्ती र वारियरबाहेक कोलकाताका अरु खेलाडीको रिपोर्ट नेगेटिभ आएको छ ।

Facebook Comment


सम्बन्धित खवर

ताजा भिडियो