बार्सिलोना र एट्लेटिको गोलरहित बराबरी, उपाधि होड थप रोमाञ्चक
काठमाडौं। स्पेनिस ला लिगा फुटबलमा उपाधि दाबेदार क्लब बार्सिलोना र एट्लेटिको मड्रिडले बराबरी खेल्दै अंक बाडेका छन्। शनिबार राति भएको खेलमा बार्सिलोना र एट्लेटिकोले गोलरहित बराबरी खेलेका छन्।
दुवै टोलीले यो सिजन उत्कृष्ट प्रर्दशन गरिरहेका छन्।
बार्सिलोनाको मैदानमा भएको खेलमा दुबै टोलीले गोल गर्ने मौका पाए पनि सदुपयोग गर्न सकेनन्।
यो बराबरीसँगै यो सिजन ला लिगाको उपाधि होड थप रोमाञ्चक बनेको छ।
यस बराबरीसँगै एट्लेटिकोले शिर्ष स्थान कायमै गरेको छ। उसले ३५ खेलमा ७७ अंक जोडेको छ। शीर्ष स्थानको एट्लेटिको बार्सिलोना भन्दा २ अंकले अघि रहेको छ।
दोस्रो स्थानमा रहेको बार्सिलोनाले ३५ खेलमा ७५ अंक जोडेको छ। बराबरीसँगै बार्सिलोनाले शिर्षस्थान उक्लिेने मौका समेत गुमाएको छ।
तेस्रो स्थानको साविक विजेता समेत रहेको रियलको पनि ७४ अंक छ।
Facebook Comment