काठमाडौं। गोरखाको पालुङटार नगरपालिका–९ बिर्दीबजार नजिकै भएको ट्र्याक्टर दुर्घटनामा परि एक जनाको मृत्यु भएको छ। दुर्घटनामा परि धादिङको दार्खाका २० वर्षीया याकुब तामाङको ज्यान गएको प्रहरीले जानकारी दिएको छ।

ग १ त ४२७८ नम्बरको ट्र्याक्टर गएराति पौने सडकबाट १० मिटर तल खसेको थियो। उनको घटनास्थलमै ज्यान गएको डीएसपी प्रकाश दाहालले जानकारी दिए।

ट्र्याक्टर र चालक प्रहरी नियन्त्रणमा रहेको र घटनाको बारेमा थप अनुसन्धान भइरहेको प्रहरीले जनाएको छ।