काठमाडौं । केन्द्रीय सशस्त्र पुलिस बल (सीएपीएफ) भारतीय टिमले सोल्खुम्बुस्थित पोर्से गाउँमा स्वास्थ्य शिविर आयोजना गरेको छ । उनीहरूले सगरमाथाको आधार शिविरमा ट्रेकरहरू र पर्वतारोहीहरूलाई पनि उपचार गरेका थिए ।

सीएपीएफले जेठ १७ गते मेडिकल क्याम्पको आयोजना गरी गाउँका मानिसहरूलाई औषधि र ड्रेसिंग सामग्री समेत वितरण गरेको थियो । पोर्से गाउँका मानिसलाई सीएपीएफले १ सय ५६ प्रकारको अति आवश्यक स्वास्थ्य सामग्री र औषधी प्रदान गरेको थियो भने सगरमाथाको आधार शिविरमा करिब २ सय ८० व्यक्तिलाई उपचार पनि गरेका छन् ।

वरिष्ठ चिकित्सा अधिकारी डा.तरुण राणाका अनुसार उक्त सीएपीएफ गत अप्रिलमा सगरमाथा आरोहणको लागि नेपाल आएको थियो । कोरोना भाइरस माहामारीका बीच सो टिमले सगरमाथाको साथै माउण्ट लोह्से, माउण्ट लोबचेको आधार शिविरमा विभिन्न राष्ट्रका आरोही र तिनीहरुका सहयोगी स्टाफलाई उपचार गरेको थियो ।

डा.राणाका अनुसार टिमले हिमाली रोग फ्लू, खुम्बु खोकी, सामान्य चोटपटक, कोराना संक्रमितलाई पूरक अक्सिजनसहितको उपचार प्रदान गरेको थियो ।
आधार शिविरमा गरिएको उपचारबारे डिसी नेपालसँग कुरा गर्दै डा.राणा भने, ‘यो मेरो जीवनको एक अद्भुत र यादगार अनुभव थियो । ती सबै उचाइहरूमा साहसी मानिसहरू औषधी उपचारपछि निको भएको देखेर धेरै नै सन्तुष्टि महसुस गरे ।’

उनले भने, ‘हामी माउन्ट लोह्से, माउन्ट लोबुचे, माउन्ट एभरेष्ट शिखर सम्मेलन गर्ने लक्ष्यका साथ आएका थियौं तर हामी केवल माउन्ट लोह्से, माउन्ट लोबुचेको मात्र सफल आरोहण गर्न सफल भयौं । उनका अनुसार खराब मौसमका कारण सो टिमले सगरमाथाको आरोहण गर्न भने सकेन् ।

सो टिम भारतका महानिरीक्षक रघुबीर लालको नेतृत्वमा नेपाल आएको थियो । उनीहरु पहिलो पटक मा.लोहसे, मा.लोबुचे र सगरमाथा आरोहणको लागि आएका थिए ।