काठमाडौं। विश्वप्रसिद्ध भारतीय धावक मिल्खा सिंहको कोरोना संक्रमणका कारण निधन भएको छ । शुक्रबार राती स्थानीय समयअनुसार साढे ११ बजे उनको निधन भएको हो । उनी ९१ वर्षका थिए ।

५ दिनअघि मात्र उनकी पत्नी निर्मल कौरको पोस्ट कोभिड कम्प्लिकेसनका कारण निधन भएको थियो । मिल्खाको चण्डीगढस्थित पीजीआइएमइआरमा १५ दिनदेखि उपचार भइरहेको थियो । उनलाई ३ जूनमा अक्सिजन लेभल घटेपछि आइसीयूमा भर्ना गरिएको थियो । २० मेमा उनको कोरोना रिपोर्ट पोजेटिभ आएको थियो ।

भारतीय प्रधानमन्त्री नरेन्द्र मोदी, गृहमन्त्री अमित शाह लगायतले मिल्खालाई श्रद्धाञ्जली दिएका छन् । प्रधानमन्त्री मोदीले आफूहरुले एक शानदार खेलाडी गुमाएको बताएका छन् । मिल्खाले असंख्य भारतीयको मनमा आफ्नो विशेष स्थान बनाएको बताउँदै मोदीले मिल्खाको व्यक्तित्वले उनलाई लाखौंको प्रिय बनाएको बताएका छन् ।

In the passing away of Shri Milkha Singh Ji, we have lost a colossal sportsperson, who captured the nation’s imagination and had a special place in the hearts of countless Indians. His inspiring personality endeared himself to millions. Anguished by his passing away. pic.twitter.com/h99RNbXI28

— Narendra Modi (@narendramodi) June 18, 2021

मिल्खा र उनकी पत्नी २० जूनमा संक्रमित पाइएपछ उनीहरुलाई एक निजी अस्पतालमा भर्ना गरिएको थियो । ३० मेमा परिवारको आग्रहमा डिस्चार्ज गरेर घर ल्याइएको थियो । ३ जूनअमा अक्सिजन लेभल घटेपछि उनलाई पुनः अस्पतालमा भर्ना गरिएको थियो ।

मिल्खाकी पत्नी निर्मल कौरको पोस्ट कोभिड कम्प्लिकेसनका कारण निधन भएको थियो । उनी ८५ वर्षकी थिइन् । निर्मल पनि पूर्व खेलाडी हुन् । उनी भारतीय महिला भलिबल टिमकी कप्तान थिइन् । उनी पंजाम सरकारको महिलाका लागि खेलकुद निर्देशक पदमा पनि रहिसकेकी थियन् । मिल्खाको परिवारका तर्फबाट जारी बयानमा उनको निभन १३ जूनमा भएको बताइउको छ । आइसीयूमा भर्ना भएका कारण मिल्खा पत्नीको अन्तिम संस्कारमा सहभागी हुन सकेनन् ।

India mourns the sad demise of legendary sprinter Shri Milkha Singh Ji, The Flying Sikh. He has left an indelible mark on world athletics. Nation will always remember him as one of the brightest stars of Indian sports. My deepest condolences to his family and countless followers. pic.twitter.com/HsHMXYHypx

— Amit Shah (@AmitShah) June 18, 2021

२० नोभेम्बर १९२९ मा मिल्खाको जन्म गोविन्दपुराको एक शिख परिवारमा भएको थियो । गोविन्दपुरा अहिले पाकिस्तानको पंजाब प्रान्तमा पर्छ । भारत र पाकिस्तान विभाजनपछि उनी भागेर भारत आएर सेनामा भर्ती भएका थिए । केही समय सेनामा रहेपछि उनले क्रस कन्ट्री दौडमा भाग लिए । त्यसपछि उनको खेल करिअर अगाडि बढेको थियो ।

मिल्खाले १९५६ को ओलम्पिकमा भाग लिएर केही गर्न सकेनन् तर त्यसपछि १९५८ मा टोक्योमा आयोजित एसियाली खेलमा २०० र ४०० मिटर दौड तथा राष्ट्रमण्डलमा ४०० मिटर दौडमा स्वर्ण पदक जिते । उनलाई भारत सरकारले पदमश्रीले सम्मान गरेको थियो । पाकिस्तानमा आयोजित एक दौडमा शानदार प्रदर्शन गरेका मिल्खालाई पाकिस्तानका जनरल अयुब खानले ‘द फ्लाइङ सिख’ नाम दिएका थिए ।

❤️🙏🏽 pic.twitter.com/Ti2I457epP

— Farhan Akhtar (@FarOutAkhtar) June 19, 2021

फिल्खाको जीवनकथामा २०१३ मा बलिउड फिल्म ‘भाग मिल्खा भाग’ बनिसकेको छ , यो फिल्मको निर्देशन राकेश ओमप्रकाश मिश्राले गरेका थिए । प्रसून जोसीले कथा लेखेको यो फिल्ममा मिल्खाको भूमिका फरहान अख्तरले गरेका थिए । अप्रिल २०१४ मा ६१ औं राष्ट्रिय फिल्म पुरस्कारमा यो फिल्मले सर्वश्रेष्ठ मनोरञ्जक फिल्मको पुरस्कार जित्यो । यो फिल्मलाई सर्वश्रेष्ठ कोरियोग्राफीको लागि पनि पुरस्कृत गरिएको थियो ।