काठमाडौं। ब्राजिलमा जारी कोपा अमेरिका फुटबलमा पेरुले कोलम्बियालाई पराजित गरेको छ।

स्टेडियो ओल्मिपयाकोमा सोमबार बिहान सम्पन्न खेलमा पेरुले कोलम्बियालाई २ – १ गोलअन्तरले पराजित गरेको हो।

पेरुका लागि सर्जियो पेनाले एक गोल गरे। एक गोल भने पेरुले उपहार पाएको थियो। कोल्मिबयाका यारी मिनाले गरे।

कोलम्बियाका मिगुल बोर्जाले एक गोल फर्काए।

खेलको १७ औं मिनेटमा सर्जियोले गोल गर्दै पेरुलाई सुरुवाती अग्रता दिलाएका थिए।

दोस्रो हाफको ५३ औं मिनेटमा पेनाल्टीमार्फत गोल गर्दै मिगुल मिर्जाले कोलम्बियालाई १ – १ को बराबरीमा ल्याए।

कोलम्बियाका यारी मिनाले ६४ औं मिनेटमा आत्मघाती गोल गर्न पुगे। सोही गोलको मद्तले पेरुले २ – १ को जित हात पार्यो।

प्रतियोगितामा पेरुको यो पहिलो जित हो भने कोलम्बियाको पहिलो हार हो।

जितसँगै पेरु समूहको तेस्रो नम्बरमा उक्लिएको छ। पेरुले दुई खेलमा ३ अंक जोडेको छ।

पराजित कोलम्बिया समूहको दोस्रो स्थानमा छ। कोलम्बियाको तीन खेलमा ४ अंक छ।