रुसको सेनालाई रोक्न यसरी उर्लिए युक्रेनी जनता, राजधानी किभबाट तस्वीर सार्वजनिक
काठमाडौं। रुसले युक्रेनमा आक्रमण सुरु गरेको ८ दिन भएको छ । दिन बित्दै जाँदा रुसको आक्रमण झनै तीब्र हुँदै गएको छ । रुसले युक्रेनका कैयौं क्षेत्र आफ्नो नियन्त्रणमा लिएको छ । राजधानी किभमा लगातार विष्फोट भइरहेको खबर छ । यही बीच युक्रेनले ठूलो संख्यामा आफ्ना जनता मैदानमा उत्रिएर रुसी सैनिकको प्रतिरोध गरिरहेको दावी गरेको छ ।
युक्रेनका विदेशमन्त्री दिमित्रो कुलेबाले एक तस्वीर शेयर गरेर दावी गरेका छन् कि एक षेत्रमा ठूलो संख्यामा युक्रेनी जनता मैदानमा उत्रिएर रुसी सैनिकको बाटो रोकिदिए । कुलेबाका अनुसार यस्ता कैयौं तस्वीर र भिडियोहरु सार्वजनिक भएका छन् । यसका साथै कुलेबाले सहयोगी देशहरुसँग रुसको हवाइ आक्रमण विरुद्ध युक्रेनलाई सहयोग गर्न अपिल गरेका छन् ।
This is a true People’s War for Ukraine. Putin has no chance of winning it. On this photo civilians block Russian invaders in Energodar yesterday. One of hundreds of such photos and videos. We need partners to help Ukraine defend itself. Especially in the air. Close the sky now! pic.twitter.com/Wv2uLMWrD4
— Dmytro Kuleba (@DmytroKuleba) March 3, 2022
यसअघि स्वेडेनको सेनाले रुसका ४ लडाकू विमानले हवाइ सीमामा लगाइएको प्रतिबन्धको उल्लंघन गरेको आरोप लगाएको थियो । कैयौं युरोपेली देशहरुजस्तै स्वेडेनले पनि रुसमाथि आफ्नो घरेलु हवाइ क्षेत्रमा प्रतिबन्ध लगाएको छ । यद्यपि स्वेडेन नेटोको सदस्य देश भने होइन ।
Facebook Comment