काठमाडौं। विश्वका शक्तिशाली देशहरुको गुट जी–२० बाट रुसलाई निकाल्ने पश्चिमी देशहरुको विचारप्रति चीनले जवाफ दिएको छ । चीनको विदेश मन्त्रालयका प्रवक्ता वांग वेंबिनले बुधबार एक पत्रकार सम्मेलनमा जी–२० मा कुनै देशसँग अर्को देशलाई बाहिर निकाल्ने अधिकार नभएको बताए । समाचार एजेन्सी रोयटर्सका अनुसार अमेरिका र अन्य पश्चिमी देशहरु रुसलाई जी–२० बाट बाहिर निकाल्ने विषयमा विचार गरिरहेका छन् ।

रिपोर्टका अनुसार पोल्याण्डले मंगलबार अमेरिकी अधिकारीहरुलाई रुसको ठाउँमा आफूलाई जी–२० मा स्थान दिन सुझाव दिएकोमा अमेरिकाको तर्फबाट सकारात्मक जवाफ आएको थियो । जी–२० विश्वका सबैभन्दा ठूला अर्थव्यवस्थाहरुको समूह हो जसको उद्देश्य विश्वलाई प्रभावित पार्ने मुद्दाहरु जस्तो कि विश्वव्यापी अर्थव्यवस्था, जलवायु परिवर्तन र विकासका क्षेत्रमा साथ मिलेर काम गर्नु हो ।

यदि रुस जी–२० बाट बाहिर भयो भने यो उसका लागि पश्चिमी देशले लगाएका प्रतिबन्धमा एउटा अर्को वृद्धिजस्तै हुनेछ । यद्यपि यो मानिएको छ कि जी–२० का भारत, चीन र साउदी अरब जस्ता देशले यो मामिलामा रुसको समर्थनमा भिटो गर्न सक्छन् । केही विश्लेषकका अनुसार जी–७ को पश्चिमी गठबन्धनले यस वर्ष जी–२० को बैठक बहिष्कार गर्न सक्छन् ।

यस पटक जी–२० को अध्यक्षता इण्डोनेसियाले गरिरहेको छ र कथित रुपमा उसलाई यसबारे चेतावनी दिइएको छ । जाकार्ताले अहिलेसम्म यो मामिलामा कुनै सुनुवाइ गरेको छैन । अमेरिकाका राष्ट्रिय सुरक्षा सल्लाहकार ज्याक सुलिभानले यो मुद्दामा मंगलबार भने ‘हामी मान्छौं कि रुसलाई अब अन्तर्राष्ट्रिय संस्थान र अन्तर्राष्ट्रिय समुदायमा पहिलेजस्तै रहनु आम कुरा हुनेछ ।’ रुस जी–७ को पनि सदस्य थियो । २००० मा रुस सहभागी भएपछि यसलाई जी–८ नाम दिइएको थियो तर २०१४ मा रुसले क्रिमिया कब्जा गरेपछि उसलाई बाहिर निकालिएको थियो ।