काठमाडौं। ताइवानको रक्षा मन्त्रालयले युक्रेनमा युद्ध रणनीति अध्ययन गर्न एउटा समूह गठन गरेको छ। समाचार एजेन्सी रोयटर्सका अनुसार यो समूहले युक्रेनले कसरी यति लामो समयदेखि रुसविरुद्ध युद्धमा डटिरहेको छ भन्ने अध्ययन गर्नेछ । ताइवानले अमेरिकासँग पनि यस विषयमा छलफल गरिरहेको छ ।

ताइवान र चीनबीच पुरानो विवाद छ । ताइवान आफ्नो एउटा प्रान्त हो, जुन एक दिन फेरि चीनको हिस्सा बन्नेछ भन्ने चीनको विश्वास छ। अर्कोतर्फ, ताइवानले आफूलाई एक स्वतन्त्र देश मान्छ। यसको आफ्नै संविधान छ र जनताद्वारा निर्वाचित सरकारद्वारा शासन गरिन्छ।

रुसले युक्रेनमा गरेको आक्रमणपछि ताइवान अलर्टमा छ । रुसले जस्तै चीनले पनि केही कदम चाल्न सक्ने उसको डर छ । तर, चीनले त्यसो गर्ने कुनै संकेत दिएको छैन । ताइवानका रक्षामन्त्रीले युद्ध लड्ने तरिकाबारे अन्य देशसँग सम्पर्क गरिरहेको र अध्ययन गर्न एउटा समूह बनाएको बताए । उनले ताइवानले रुसको सेनाको कमजोर प्रदर्शन र युक्रेनको उनीहरूलाई रोक्न सक्ने क्षमता जस्ता विषयहरू अध्ययन गरिरहेको बताए।