काठमाडौं । लामो समयदेखि नेपालको भूमि अतिक्रमण गरिरहेको भारतले उल्टै नेपालमाथि आफ्नो भूमि अतिक्रमण गरेको आरोप लगाएको छ । भारतको सीमा सुरक्षा बलले नेपालले भारतको भूमि अतिक्रमण गरेको भन्दै भारतको केन्द्र सरकारलाई रिपोर्ट पठाएको भारतीय अखबार दैनिक भास्करले खुलासा गरेको छ ।

नेपालले उत्तराखण्डको चम्पावतस्थित नेपाल–भारत सीमामा रहेको ५ हेक्टर जमिन अवैध रुपमा कब्जा गरेको एसएसबीको रिपोर्टमा उल्लेख छ । सशस्त्र सीमा बल (एसएसबी) ले यस सम्बन्धमा केन्द्रीय गृह मन्त्रालयलाई प्रतिवेदन पठाएको छ। अर्कोतर्फ प्रदेश वन विभागले पनि यसबारे प्रदेश सरकारलाई प्रतिवेदन पठाएको छ ।

नेपालले विगत ३० वर्षमा आफ्नो जग्गा कब्जा गरेर घर र बस्ती निर्माण गरेको वन विभागले जनाएको छ । एसएसबीका सहायक कमाण्डेन्ट अभिनव तोमरले भने कि यो कब्जा हालै गरिएको छैन। अब सर्भे अफ इन्डिया र सर्भे अफ नेपालका टोलीले यो विवाद समाधान गर्नेछन् ।

यो ठाउँलाई लिएर भारत र नेपालका अधिकारीबीच पटकपटक विवाद भइसकेको छ । त्यस क्षेत्रका रेन्जर महेश बिष्टले राज्य सरकार र केन्द्रीय गृह मन्त्रालयलाई पनि पटकपटक रिपोर्ट पठाएको बताउँछन् । अर्कोतर्फ, अधिकारीहरू भन्छन् कि उनीहरूले गृह मन्त्रालय र उत्तराखण्ड सरकारलाई २०१० देखि २०२१ सम्म तीन पटक अतिक्रमणको बारेमा रिपोर्ट पठाएका छन्।