साविक विजेता फ्रान्स विश्वकपको क्वाटरफाइनलमा

डिसी नेपाल
१९ मंसिर २०७९ ६:२८

काठमाडौं। पोल्यान्डलाई ३-१ ले हराउँदै साबिकको विजेता फ्रान्स कतार विश्वकप २०२२ को क्वार्टरफाइनलमा प्रवेश गरेको छ। आइतबार स्ट्राइकर ओलिभर जिरौउडले सर्वकालिन गोलकर्ताको कीर्तिमान बनाउन सफल भए । उनले थिएरी हेनरीको नाममा रहेको ५१ गोलको कीर्तिमान भंग गरेका थिए।

दोहास्थित अल थुमामा मैदानमा जिरौउडले एक गोल गर्दा युवा स्ट्राइकर केलियन एम्बाप्पेले दुईगोल गरेका थिए। जारी विश्वकपमा उनि सर्वाधिक गोलकर्ता भएका छन्। उनको नाममा पाँच गोल भएको छ।

७५औं मिनेटमा एमबाप्पेले गोल गर्दै फ्रान्सको अग्रता २-० को पारे। एमबाप्पेले इन्जुरी समयको पहिलो मिनेटमा फ्रान्सका लागि तेस्रो गोल गरेका थिए। पोल्यान्डका रोबर्ट लेवान्डोस्कीले इन्जुरी समयमा पेनाल्टीमा एक गोल फर्काएका थिए। लेवान्डोस्कीले जारी विश्वकपमा दोस्रो गोल हो। यदपि, पोल्यान्ड प्रतियोगिताबाट बाहिरिएको छ।


प्रतिक्रिया

Leave a Reply

Your email address will not be published. Required fields are marked *