काठमाडौं । चीनले भारत–भुटान–चीन सीमाको तीन खण्डमा आफ्नो भूमिमा रहेको तोर्सा नाला नजिक रोपवे निर्माण गरेको छ ।

रक्षा स्रोतलाई उद्धृत गर्दै ‘द हिन्दू’ले भारत–भुटान–चीन सीमा जोडिएको क्षेत्र नजिक यो रोपवे निर्माण गरिएको जनाएको छ । भर्खरै यस रोपवेका केही एंकर पोइन्टहरू देखिएका छन्।

अखबारले रक्षा स्रोतलाई उद्धृत गर्दै भनेको छ कि चीनले वास्तविक नियन्त्रण रेखाको छेउछाउका क्षेत्रमा सेनाको तैनाथी बढाउँदै पूर्वाधारको सुदृढीकरणमा संलग्न छ।

रक्षा स्रोतलाई उद्धृत गर्दै ‘द हिन्दू’ले रिपोर्ट गरेको छ कि चीनले सम्पूर्ण पूर्वी क्षेत्रमा सडक निर्माण र अन्य पूर्वाधारलाई बलियो बनाउँदैछ।

अखबारले रक्षा स्रोतलाई उद्धृत गर्दै भनेको छ कि अरुणाचलको तवाङको याङ्त्से क्षेत्रमा, जहाँ गत हप्ता भारतीय र चिनियाँ सेनाबीच झडप भएको थियो, चिनियाँ सेनाले यहाँ आफ्नो दाबी बलियो बनाउन गत वर्ष नै गस्ती बढाएको थियो।

यस क्षेत्रमा चिनियाँ गोठालोको आवतजावत बन्द भएको चिनियाँ सेनाले देखेको छ । त्यसपछि मात्र उसले यो कदम चालेको हो ।

रक्षा स्रोतले अखबारलाई भन्यो, ‘वास्तवमा भारतीय सेना यहाँ उचाइमा तैनाथ छ । भारतीय सेनाको यो उचाइबाट चिनियाँ सेना चिन्तित छ। भारतीय सेना यस्तो पोजिसनमा छ जहाँबाट पुरै उपत्यका देखिन्छ ।

स्रोतले अखबारलाई भन्यो, “चिनियाँ सेनाले जाडो अघि र पछि यहाँ दुईदेखि तीन पटक गस्ती गर्छ। याङ्त्सेमा प्रवेश गर्नका लागि चारवटा बाटो छन् र चिनियाँ सेना यहाँ आउनका लागि यिनै बाटोहरू मात्र प्रयोग गर्छन्। याङ्त्से तवाङको ३०-३५ किलोमिटर उत्तर-पूर्वमा छ। यो क्षेत्र १७ हजार फिटको उचाइमा छ ।

रक्षा स्रोतका अनुसार डोकलाम नजिकैको तोर्सा क्षेत्रमा लगातार गतिविधिहरु देखिन थालेका छन् । २०१७ मा डोक्लाममा, ७३ दिनसम्म आमनेसामनेपछि भारत र चिनियाँ सेनाहरू पछि हटेका थिए।