काठमाडौं । भारतीय प्रधानमन्त्री मोदी र रुसी राष्ट्रपति भ्लादिमिर पुटिनबीच शुक्रबार फोनमा कुराकानी भएको छ । समाचार एजेन्सी पीटीआईका अनुसार दुई देशका प्रमुखहरूले ऊर्जा, व्यापार र रक्षा र सुरक्षाका क्षेत्रमा द्विपक्षीय सहयोगको समीक्षा गरेका छन्।

युक्रेन युद्धका सम्बन्धमा प्रधानमन्त्री मोदीले वार्ता र कूटनीतिबाट मात्रै अगाडिको बाटो तय गर्न सकिने बताए । यसका साथै जी–२० को अध्यक्षता र त्यसको तयारीबारे पनि प्रधानमन्त्रीले पुटिनलाई जानकारी गराएका थिए ।

“समरकन्दमा भएको बैठक पछि, दुई नेताहरूले द्विपक्षीय सम्बन्धको समीक्षा गरे जसमा ऊर्जा सहयोग, व्यापार र लगानी, रक्षा र सुरक्षा सहयोग र अन्य प्रमुख क्षेत्रहरू समावेश छन्,” एक अधिकारीले भने।

प्रधानमन्त्रीले राष्ट्रपति पुटिनलाई जी-२० को भारतको वर्तमान अध्यक्षताको बारेमा जानकारी दिए र यसका प्रमुख प्राथमिकताहरू हाइलाइट गरे। उनले सांघाई सहयोग संगठनको भारतको अध्यक्षतामा दुई देशहरूसँग नजिकबाट काम गर्न तत्पर छन्।

मोदीले यस वर्ष भारत–रुस वार्षिक शिखर सम्मेलनमा भाग लिने छैनन् । पुटिन शिखर सम्मेलनमा भाग लिन गत वर्ष भारत आएका थिए ।