काठमाडौं । भारतको केन्द्र सरकारले कोविड-१९ को पहिलो इन्ट्रानासल (नाक) खोप इन्कोभ्याकको बिक्रीलाई स्वीकृति दिएको छ।

भारत बायोटेकले यो खोप तयार गरेको हो । जनवरीको चौथो सातादेखि १८ वर्षभन्दा माथिका व्यक्तिले लिन सक्नेछन् ।

यसको मूल्य भारत सरकार र राज्य सरकारहरूको लागि ३२५ रुपैयाँ राखिएको छ र निजी अस्पताल र पसलहरूमा ८०० रुपैयाँ (१३ सय नेपाली रूपैयाँ) मा दिइनेछ।

समाचार एजेन्सी एएनआईका अनुसार केन्द्रीय स्वास्थ्य मन्त्रालयले कोभिशिल्ड र कोभ्याक्सिनको डोज लिएका व्यक्तिहरूले यो नाकबाट निइने खोपको डोज लिन सक्ने बताएको छ।

यसका लागि कोभिन प्लेटफर्ममा पनि परिवर्तन गरिनेछ। भारत बायोटेकले यस खोपको १४ विभिन्न ट्रायल साइटमा ३१०० जनामा ​​परीक्षण गरिएको जनाएको छ ।

कम्पनीले भारत बायोटेक र युनिभर्सिटी अफ वासिङ्टनसँगको साझेदारीमा इन्कोभ्याक विकास गरिएको जनाएको छ । खोपको क्लिनिकल परीक्षण कोविड सुरक्षा कार्यक्रम अन्तर्गत भारत सरकारको बायो-टेक्नोलोजी विभागले अनुदान दिएको छ।