काठमाडौं । तालको गहिराइबाट सयौं वर्ष पुरानो जहाजको भग्नावशेष फेला परेको छ । यति धेरै समय बितिसक्दा पनि जहाज निकै राम्रो अवस्थामा फेला परेको छ । यो जहाजको लागि समय रोकिएको जस्तो छ।

यो जहाज नर्वेको सबैभन्दा ठूलो ताल मिओसाको सतहमा फेला परेको हो । जहाजको अनौठो डिजाइन र यसका फलकहरूले यस तालको समुद्री इतिहासको प्रमाण दिन्छ। यो जहाज १३०० देखि १८०० शताब्दीको बीचमा बनेको बताइएको छ ।

अनुसन्धानकर्ताहरूले मिसन मिओसा परियोजना अन्तर्गत यो खोज गरेका हुन्। उच्च रिजोल्युसन सोनार टेक्नोलोजीको सहायताले ३६३ वर्ग किलोमिटरमा फैलिएको यस तालको सतहमा लुकेका रहस्यहरू पत्ता लगाउनु यस मिसनको उद्देश्य हो।

नर्वेजियन डिफेन्स रिसर्च एष्टब्लिसमेन्टले तालको सतहमा दुई महिनाको निरीक्षणपछि युद्ध सामग्री फेला पारेपछि यो मिसन सुरु गरिएको हो । नर्वेजियन युनिभर्सिटी अफ साइन्स एन्ड टेक्नोलोजीका अनुसार यो ताल पिउने पानीको प्रमुख स्रोत हो। यो तालबाट देशका करिब १ लाख मानिसमा पानी पुग्छ । त्यसैले यसमा युद्ध सामग्रीको उपस्थितिले जनताको स्वास्थ्य बिग्रन सक्छ ।

तालको सर्वेक्षणका क्रममा जहाजको भग्नावशेष फेला परेको हो । नर्वेजियन युनिभर्सिटी अफ साइन्स एन्ड टेक्नोलोजीका वरिष्ठ अनुसन्धानकर्ता तथा यस मिसनका प्रमुख अन्वेषक ओभिन्ड ओडेगार्डले भने– हामीले युद्धका सामानको बारेमा थाहा पाउँदा जहाजको भग्नावशेष पनि फेला पार्न सक्ने अपेक्षा गरेका थियौं र यस्तो भएको छ ।

जहाजको यो भग्नावशेष १३५० फिटको गहिराइमा भेटिएको छ । यो जहाजको लम्बाइ ३३ फिट रहेको बताइएको छ । तालमा स्वच्छ पानीको वातावरण र छालको अभावका कारण जहाज आफ्नो मौलिक स्थितिमा रहेको देखिन्छ। तर, कतिपय फलामको कीलामा खिया लागेको पक्कै छ ।

जहाजको डिजाइन हेरेर पुरातत्व विभागका मानिसहरूले यो जहाज सन् १८०० देखि १८५० को बीचमा निर्माण भएको हुन सक्ने अनुमान गरेका छन् । यो जहाज तालको बीचमा भेटिएको हो । त्यसैले यो जहाज खराब मौसमका कारण डुबेको ओभिन्ड ओडेगार्डको विश्वास छ।