काठमाडौं । इरानको अर्ध-आधिकारिक समाचार एजेन्सीले नयाँ वर्षको पूर्वसन्ध्यामा तेहरानमा केही फुटबल खेलाडीहरूलाई पक्राउ गरिएको जनाएको छ। पक्राउ पर्नेमा केही पूर्व फुटबलर र केही हालका खेलाडी रहेका छन् । उनीहरुले नयाँ वर्षको पार्टी गरेको आरोप छ ।

तस्निम न्युज एजेन्सीले पक्राउ परेका खेलाडीको नाम र टोलीको बारेमा जानकारी दिएको छैन । पक्राउ पर्दा केही खेलाडीहरु मादक पदार्थको नशामा रहेको बताइएको छ । इरानमा अविवाहित पुरुष र महिला सहभागी हुने पार्टीलाई गैरकानुनी मानिने नियम छ ।

त्यस्ता पार्टीहरूलाई इरानमा सामाजिक गलत आचरणको उदाहरणका रूपमा प्रस्तुत गरिन्छ। मानवअधिकारकर्मीहरूले इरानमा प्रहरीको यस्तो कार्यलाई गोपनीयताको अधिकारको उल्लङ्घन भएको बताएका छन्।