काठमाडौं । आफ्ना छोरीहरुको संरक्षकत्व पाउन एक पुरुषले कानुनी रुपमा आफ्नो लिङ्ग परिवर्तन गरेका छन् । श्रीमतीसँग छुट्टिएपछि छोरीहरूलाई सँगै राख्न चाहन्थे । तर उनले यसका लागि अनुमति पाएनन् । त्यसैले उनले आधिकारिक कागजातमा आफ्नो लिङ्ग पुरुषबाट महिलामा परिवर्तन गराएका थिए। यो इक्वेडरको मामिला हो।

४७ वर्षीय रेने सालिनास रामोस आफ्नी श्रीमतीसँग अलग भएका छन् । तर उनले छोरीहरुको संरक्षकत्व पाउन सकेका छैनन् । किनभने, इक्वेडरको कानून अनुसार, बच्चाहरूको संरक्षकत्वमा आमालाई प्राथमिकता दिइन्छ। रामोसले महसुस गरे कि सायद बुबा बन्नुले उनलाई संरक्षकत्व दिइने छैन। त्यसैले उनी आफ्ना छोरीहरूको संरक्षकत्वका लागि कानुनी आमा (महिला) बने।

भाइस न्यूजका अनुसार रामोस आफ्नो परिचय पत्रमा महिलाको रूपमा आफ्नो लिंग दर्ता गर्न रजिस्ट्री अफिस गएका थिए। अहिले आफू पनि ‘आमा’ भइसकेकाले छोरीको जिम्मा आफूले पाउनुपर्ने उनको भनाइ छ ।

रामोसले शारीरिक रूपमा लिङ्ग परिवर्तन गरेका छैनन्। उनी कागजमा मात्र महिला हुन्, वास्तवमा उनी पुरुष हुन्। जसका कारण उनी एलजीबीटीक्यु समुदायको निशानामा पनि परेका छन् । एलजीबीटीक्यु समुदायले एक विज्ञप्तिमा भनेका छन् कि उनीहरू यस कदमबाट ट्रान्सजेन्डर अधिकारलाई प्रवर्द्धन गर्न बनेको कानूनप्रति चिन्तित छन्। भविष्यमा यसको दुरुपयोग हुन सक्छ।

यसै क्रममा एक स्थानीय समाचार च्यानलसँग कुरा गर्दै रामोसले आफू पनि आमाको जस्तै हेरचाह गर्न सक्ने बताए । महिलाको तुलनामा पुरुषले बालबालिकाको हेरचाह गर्न सक्ने क्षमता कम हुन्छ भन्ने गलत धारणा हो । रामोसले आफ्नी छोरी आफ्नी आमासँग गरीब अवस्थामा बस्दै आएको र पाँच महिनाभन्दा बढी समयदेखि नदेखेको आरोप लगाएका छन् ।