काठमाडौं । प्याज एउटा यस्तो तरकारी हो जसलाई संसारभरका मानिसहरुले धेरै रेसिपी बनाउन प्रयोग गर्छन् । प्याजमा औषधीय गुण हुने गर्दछ । प्याजलाई काँचै वा पकाएर यसको रस निकालेर जसरीपनि सेवन गर्न सकिन्छ। यस्का अनेकन औषधीय गुणहरु रहेको पाइन्छ । प्याज संग संगै यसको बोक्रा पनि निकै उपयोगी हुने गर्दछ ।
प्याजको बोक्रा हामी प्रायः बेकार सम्झेर डस्टबिनमा फालिदिन्छौं। तर यसको फाइदाबारे थाहा भयो भने तपाईले यसलाई फ्याक्न छाड्नुहुनेछ । प्याजको बोक्रा पोषक तत्व, एन्टि–अक्सिडेन्ट्स र औषधीय गुणले भरिपूर्ण हुन्छ । त्यसैले यी बोक्राहरु स्वास्थ्य र सुन्दरतालाई यथावत राख्नका लागि प्रयोग गर्न सकिन्छ ।

प्याजको बोक्राका फाइदा:

प्याजको बोक्रामा प्रचुर मात्रामा भिटामिन ए पाइन्छ। जसले आँखाको ज्योति बढाउने काम गर्छ र राति अन्धोपन जस्ता रोगबाट पनि बचाउँछ। यसका लागि प्याजको बोक्राको चिया बनाएर पिउनुहोस्, यसले छालाको बनावट पनि सुधार्छ ।

प्याजको बोक्रामा भिटामिन सी पनि पाइन्छ। जसको मद्दतले शरीरको रोग प्रतिरोधात्मक क्षमता बढ्छ। जसले भाइरल इन्फेक्सनको जोखिम कम गर्छ । जसका कारण रुघाखोकी (खोकी र रुघाखोकी) जस्ता समस्या हुँदैन ।

प्याजको बोक्रा कपालको स्वास्थ्य सुधार गर्न प्रयोग गर्न सकिन्छ। यसका लागि प्याजको बोक्रा पानीमा हाल्नुहोस् र करिब एक घण्टापछि त्यस पानीले टाउको धुनुहोस् । यसो गर्दा कपाल झर्ने समस्या हट्छ ।

प्याजको बोक्रा मुटु रोगीका लागि वरदान साबित हुन सक्छ । यसका लागि प्याजको बोक्रा धुनुहोस् र प्यानमा राख्नुहोस् र तातो पानीमा उमाल्नुहोस्। त्यसपछि यसलाई छानेर पिउनुहोस्, यसले मुटु रोगको खतरा कम हुन्छ ।

प्याज जस्तै यसको बोक्रा पनि पोषक तत्व र एन्टि अक्सिडेन्ट्स गुणले भरिपूर्ण भएकाले यसले कोलोन क्यान्सर (आन्द्रामा हुने क्यान्सर)बाट बचाउँछ । विशेषज्ञहरुका अनुसार प्याजको पानीको सेवन गर्नाले उक्त क्यान्सरबाट बच्न सकिन्छ ।

प्याजको बोक्रामा भएको पोषक तत्वले मांसपेशि बाउँडिने समस्या लाई कम गर्न सकिन्छ । त्यसका लागि प्याजमा एक कप पानी र प्याजको बोक्रा धोएर उमाल्नु पर्छ । उम्लिएको पानीलाई छानेर मन तातो बनाएर पिउनुहोस् । यसो गर्दा मांसशपेशिको बाउँडिने बाट आराम प्रँप्त हुन्छ ।