काठमाडौँ। ९० को दशकमा विश्वभरका चर्चित सेलिब्रेटीमध्येकी एक पामेला एन्डरसन फेरि एकपटक चर्चामा छिन्। जीवनमा ६ पटक विवाह गरिसकेका पामेलाका पूर्व पतिले आफ्नो वारिस नामामा उनको लागि ठूलो रकम छोडेका छन्। हलिउड निर्माता जोन पिटर्सले २०२० मा पामेलासँग विवाह गरेका थिए। उनीहरुको सम्बन्ध निकै चर्चामा रहेको थियो।

जोनले आफ्नो वारिस नामामा पामेलाका लागि ठूलो रकम छोडेको कुरा गर्दै उनले सधैं पामेलालाई माया गर्ने बताएका छन्। जोनले पामेलाका लागि छोडेको रकम नेपाली रुपैयाँ अनुसार १ अर्ब ३० करोडभन्दा अलि बढी हो।

रिपोर्टको अनुसार जोन र पामेलाले पहिलो पटक १९८० मा एकअर्कालाई डेट गरे। २० जनवरी, २०२० मा दुबैले विवाह गरेको खबर आएको थियो। पामेला र जोनको बिबाह मालिबुको एक निजी समारोहमा भएको बताइएको छ। पामेलाका पब्लिसिस्टले नै यो खबरको पुष्टि गरेका छन्। दुबै सेलिब्रेटीको जीवनमा यो पाँचौं विवाह थियो।

विवाहपछि पिटर्सले हलिउड रिपोर्टरसँग कुरा गर्दै भने, ‘सुन्दर केटीहरू जताततै छन्। म सजिलै रोज्न सक्थें, तर ३५ वर्षसम्म म पामेलालाई मात्र चाहन्थें।। तर पामेला र पिटर्सले गोप्य विवाह गरेपछि विवाह प्रमाणपत्रका लागि कानुनी कागजपत्र दायर गरेनन्।

१ फेब्रुअरी २०२० मा, पामेलाले घोषणा गरे कि उनी र पिटर्सले आफ्नो विवाह प्रमाणपत्रलाई औपचारिक बनाउने प्रक्रिया रोकेका थिए। पामेलाले आफ्नो स्टेटमेंटमा भनिन्, ‘हामी केही समयका लागि अलग हुँदैछौँ, जीवनबाट र एकअर्काबाट के चाहन्छौँ भन्ने निर्णय गर्न। र हामी यसमा तपाईंको सहयोगको लागि धेरै आभारी हुनेछौं।

केही समयपछि पामेलाको ट्विटर पेजमा जोनसँगको सम्बन्धलाई लिएर ‘पामेला एन्डरसनले कानुनी रूपमा जोन पिटर्ससँग कहिल्यै विवाह गरेनन्’ भन्ने बयान आएको थियो। यस बयानमा जोनलाई पामेलाको ‘लाइफ लाइन फ्यामेली फ्रेन्ड’ भनेर वर्णन गर्दै थप लेखिएको छ, ‘कुनै हार्ड फीलिंग्स नभएको, विवाह नभएको, सम्बन्धविच्छेद नभएको, केवल एक अनौठो नाटकीय लंच’

रिपोर्टका अनुसार दम्पतीले मात्र ५ दिन सँगै बिताएका थिए र जोनले टेक्स्ट मैसेज पठाएर पामेलासँग ब्रेकअप गरेका थिए।

शनिबार भेराइटीसँग कुरा गर्दै जोन पिटर्सले आफ्नी पूर्व पत्नीका लागि आफ्नो वारिस नामामा १० मिलियन डलर छोडेको खुलासा गरे, जुन नेपाली मुद्रामा करिब १ अर्व ३० करोड ४८ लाख रुपैयाँ हो। उनको  स्टेटमेंटअनुसार यो रकम पामेलालाई अवश्य रहने छ यदि उनलाई यो ‘आवश्यक होस् या नहोस्’। जोनले यो कुरा पामेलालाई पनि थाहा नभएको बताए। उनले थप भने, ‘म सधैं पामेलालाई मेरो हृदयमा माया गर्नेछु।’