आइपिएलमा बैंग्लोरको हारपछि नवीन उल हकले विराट कोहलीको खिल्ली उडाए
काठमाडौं । आईपीएलमा गुजरात टाइटन्ससँग रोयल च्यालेन्जर्स बैंग्लोरको पराजयपछि लखनऊ सुपर जायन्ट्सका फास्ट बलर नवीन उल हकले सामाजिक सञ्जालमार्फत आरसीबी टोलीलाई खिल्ली उडाएका छन् ।
यो पोस्टबाट मे १ मा भएको खेलमा नवीन उल हक र विराट कोहलीबीचको तनाव कम भएको देखिन्छ । नवीन उल हकले अफ्रिकी एङ्करको हँसाउने भिडियो सेयर गरेका छन् । यो भिडियो मार्फत उनले आरसीबीको हारमा खिल्ली उडाएको मानिन्छ ।
यो भिडियो ट्विटरमा धेरैले शेयर गरेका छन् । जसमा एक अफ्रिकी एंकर हाँसेको देखिन्छ ।
आईपीएलको अन्तिम लिग खेलमा गुजरात टाइटन्सले रोयल च्यालेन्जर्स बैंग्लोरलाई ६ विकेटले पराजित गर्दै प्रतियोगिताबाट नकआउट गरिदिएको छ ।
वर्षाका कारण ढिलो सुरु भएको खेलमा हार्दिक पाण्ड्याले टस जितेर रोयल च्यालेन्जर्स बैंग्लोरलाई पहिले ब्याटिङको निम्तो दिएका थिए । विराट कोहलीको शतकका कारण रोयल च्यालेन्जर्स बैंग्लोरले २० ओभरमा पाँच विकेट गुमाएर १९७ रन बनाएको थियो ।
लक्ष्य पछ्याउँदै गुजरात टाइटन्सका ओपनर शुभमन गिलले पनि यस प्रतियोगिताको दोस्रो शतक प्रहार गरे र अन्तिमसम्म आउट नभई टोलीलाई जित दिलाए ।
तीन सिजनपछि रोयल च्यालेन्जर्स शीर्ष चारमा पुग्न नसकेको यो पहिलो पटक हो।
शुभमन गिलले मात्र ५० बलमा आफ्नो शतक पूरा गरे र १०४ रन (५२ बलमा) बनाएर अन्तिमसम्म नटआउट रहे । आफ्नो इनिङ्समा शुभमनले आठ छक्का र पाँच चौका प्रहार गरे।
शुभमन गिलको यो धुवाँदार इनिङले कोहलीको टोलीको प्लेअफ पुग्ने सपना टुट्यो । शुभमन गिलको इनिङ्सबाट विराट कोहली मैदानमा सबैभन्दा निराश देखिए ।
Facebook Comment