काठमाडौं । युक्रेनका राष्ट्रपति भोलोडिमिर जेलेन्स्कीले आफ्नो देशले रुसमाथि प्रतिकारात्मक आक्रमण सुरु गरेको बताएका छन् ।

शनिबार उनले भने, ‘हामीले आत्मरक्षासँगै जवाफी आक्रमण गरेका छौँ । हाम्रो सेनाबाट रुसमा यस्ता आक्रमणहरू भइरहेका छन्।’

तर उनले जवाफी आक्रमणको विवरण नदिने पनि बताए ।

पछिल्लो समाचार अनुसार युक्रेनी सेनाले देशको पूर्वी भागमा रहेको बाख्मुत र दक्षिणमा जापोरिझियामा प्रगति गरिरहेको छ।

रुसी राष्ट्रपति भ्लादिमिर पुटिनले शुक्रबार देखाइएको भिडियोमा भने कि रुसले अब युक्रेनले जवाफी कारबाही सुरु गरेको भनी निश्चित रूपमा भन्न सक्छ।