कर्णालीसँग मित लाएका थे
कञ्चन्जंघाको गीत गाएका थे
तराईको माटो चिनेका थे
हिमालको हिँउ जानेका थे
मेचीमा मुख धोएका थे
फुत्त गण्डकी तरेर
महाकालीको पानी पिएका थे!

जनतासँग दिल खोलेर हाँस्थे
दुखीलाई मन खोलेर सहयोग गर्थे
न कसैलाई बिझेको थ्यो
न कसैलाई घोचेको थ्यो,
हामीलाई थाहा नभएर के भो र
पराईलाई भत्-भत्ति पोलेको थ्यो
त्यसैले त आजको दिन रचिएको थ्यो
त्यसैले त आजको दिन रचिएको थ्यो!

भन्ने ले जे सुकै भनुन,
म त भन्छु आज समाजमा इमान सकिएको दिन,
देशको स्वाभिमान सकिएको दिन
माटो नबुझ्नेहरुका लागि
जिम्मेवारी थपिएको दिन
विदेशीका लागि राजसंस्था सकिएको दिन
कसैका लागि साधारण होला यो दिन
तर नेपालीका लागि असल अविभावक सकिएको दिन,
हाम्रा लागि इतिहास सकिएको दिन
नेपालीका लागि भाग्य सकिएको दिन।