काठमाडौं । इजरायली सेनाले लेबनानबाट प्रहार गरेको मिसाइल आक्रमणमा उत्तरी इजरायलमा धेरै मानिस घाइते भएको बताएको छ । घटनास्थलको भिडियोमा कैयौं गाडीमा आगो लागेको देखिन्छ ।

यद्यपि यो भिडियोको स्वतन्त्र रूपमा पुष्टि भने भएको छैन । इजरायली सेनाले जवाफी कारबाही गरिरहेको बताएको छ ।

दक्षिणी लेबनानमा गएराति संयुक्त राष्ट्र सुरक्षा बलका एक सदस्यमाथि गोली प्रहार भएको छ । यी सिपाही घाइते छन् । इजरायल र हमासबीचको पछिल्लो युद्ध सुरु भएदेखि नै उत्तरी इजरायल र लेबनानको सिमानामा लगातार झडप भइरहेको छ।

इरानको समर्थन प्राप्त शक्तिशाली शिया समूह हिजबुल्लाहले इजरायलमाथि लगातार आक्रमण गरिरहेको छ । शनिबारको आफ्नो भाषणमा हमास नेता हसन नसरल्लाहले हिजबुल्लाहको आक्रमणलाई अझ तीव्र पार्ने संकेत गरेका थिए।

यसैबीच, इजरायलका रक्षामन्त्री योभ गालान्टले हिजबुल्लाहको गल्तीले लेबनानमा युद्ध ल्याउने चेतावनी दिएका छन्।