काठमाडौं । कार निर्माता कम्पनी मारुती सुजुकी, महिन्द्रा एण्ड महिन्द्रा र अडीले जनवरीदेखि आफ्ना कारको मूल्य बढाउने भएका छन् ।

यी कम्पनीहरूले यो निर्णयको कारण महंगी र वस्तुको मूल्यमा भएको वृद्धिलाई औंल्याएका छन्।

यस बाहेक टाटा मोटर्स र मर्सिडीज बेन्जले पनि आगामी जनवरीदेखि भारतमा आफ्ना कारको मूल्य बढाउने विचार गरिरहेका छन् ।

मारुती सुजुकी भारतको सबैभन्दा ठूलो कार निर्माता कम्पनी हो। यसले प्रवेश स्तरको सानो कार अल्टोदेखि बहुउपयोगी कार इन्भिक्टोसम्म सबै उत्पादन गर्दछ।

सोमबार मारुती सुजुकीले आफ्नो निर्णयको घोषणा गर्दै जनवरीदेखि कम्पनीका हरेक मोडलको मूल्य बढाउने बताएको छ ।

पीटीआईसँग कुरा गर्दै, मारुती सुजुकी इन्डियाका वरिष्ठ कार्यकारी अधिकृत (मार्केटिंग र बिक्री) शशांक श्रीवास्तवले केही मोडेलको मूल्यमा “राम्रो वृद्धि” हुने बताए।

“वस्तुको अस्थिरता सहित चारैतिर महंगीको दबाब छ, त्यसैले हामीले जनवरीमा मूल्य बढाउने निर्णय गरेका छौं,” उनले भने।

महिन्द्रा एण्ड महिन्द्राका सीईओ (अटोमोटिभ डिभिजन) नलिनीकान्त गोलगुन्टाले पनि मुद्रास्फीति र कमोडिटीको मूल्यलाई ध्यानमा राख्दै “हामी जनवरी २०२४ देखि लागू हुने गरी हाम्रा कारको मूल्य बढाउनेछौँ” भनेका छन् ।