काठमाडौं । फ्रान्सका प्रधानमन्त्रीले केही दिनअघि प्रधानाध्यापकमाथि झुटो आरोप लगाउने विद्यार्थीलाई कारबाही गरिने बताएका छन् ।

आफ्नो आरोपमा छात्राले हेडस्कार्फ लगाएको विषयमा प्रधानाध्यापकसँग बहस हुँदा आफूमाथि हिंसा भएको दाबी गरेकी थिइन् । उनका अनुसार हेडमास्टरले उनीमाथि हात उठाएका थिए ।

विद्यार्थीको यो आरोपपछि प्रधानाध्यापकले अनलाइन ट्रोलिङ र ज्यान मार्ने धम्कीको सामना गर्नु परेको थियो ।

फलस्वरूप उनले विद्यालयबाट राजीनामा दिए।

प्रधानाध्यापकले फ्रान्सेली कानूनको हवाला दिँदै उनले विद्यार्थीलाई हेडस्कार्फ हटाउन भनेका थिए।

पछि यस प्रकरणमा भएको अनुसन्धानमा विद्यार्थीमाथि कुनै किसिमको हिंसा भएको प्रमाण फेला परेन ।

त्यसपछि देशका प्रधानमन्त्रीले विद्यार्थीलाई झुटो आरोप लगाएको भन्दै अदालतमा हाजिर गर्ने निर्णय गरेका छन् ।

मार्च २००४ मा, फ्रान्समा एउटा कानून पेश गरिएको थियो जसले विद्यार्थीहरूलाई स्कूलहरूमा उनीहरूको धार्मिक विश्वास झल्काउने कपडा लगाउन प्रतिबन्ध लगाएको थियो।