काठमाडौं । इजरायली क्याबिनेट मन्त्रीले गाजामा इजरायलले जानाजानी सात वर्ल्ड सेन्ट्रल किचन कामदारको हत्या गरेको दाबीलाई अस्वीकार गरेका छन्।

वर्ल्ड सेन्ट्रल किचनका संस्थापक जोस एन्ड्रेसले इजरायलले आफ्ना कामदारहरूको कारलाई “एक एक गरेर” व्यवस्थित रूपमा लक्षित गरेको आरोप लगाएका छन्।

तर इजरायलको युद्ध मन्त्रिपरिषद्का सदस्य नीर बरकतले आन्द्रेसको भनाइ ‘बकवास’ भएको बीबीसी न्यूजलाई बताए ।

इजरायलले ती कामदारहरूको ज्यान गएको घटनालाई ‘ठूलो गल्ती’ भएको र इजरायलले यस विषयमा छानबिन गर्ने वाचा गरेको छ।

बीबीसी पत्रकार क्याट्रिओना पेरीसँग कुरा गर्दै, बरकतले भने कि इजरायल सात सहायता कार्यकर्ताको हत्याको लागि “धेरै दुखी” छ, तर “दुर्भाग्यवश, युद्धमा त्यस्तै हुन्छ।”

उनले भने कि यस्तै घटना “फेरि नदोहोरियोस्” भनेर सुनिश्चित गर्न कदम चालिनेछ तर सहायता कार्यकर्ता र सर्वसाधारणको मृत्यु “युद्धको हिस्सा” हो।

एन्ड्रेसको आरोपको बारेमा सोध्दा उनले भने, “आईडीएफले जानाजानी निशाना बनाएको होइन। यो मूर्खता हो, मलाई माफ गर्नुहोस्।”