काठमाडौं । युक्रेनी राष्ट्रपति भोलोडिमिर जेलेन्स्कीले आफूले अमेरिकामा बनेको पहिलो एफ–१६ लडाकु विमान प्राप्त गरेको बताएका छन् ।

गोप्य स्थानमा आयोजित कार्यक्रममा जेलेन्स्कीले भने, ‘युक्रेनले एफ–१६ पायो, हामीले त्यो हासिल गर्‍यौं ।

जेलेन्स्कीले यी विमानको आगमनले युक्रेनको वायुसेनाको शक्ति अझ बढ्ने बताए । युक्रेन अहिलेसम्म सोभियत युगको जेट विमानमा मात्र निर्भर थियो।

तर, जेलेन्स्कीले अमेरिकाबाट कतिवटा विमान प्राप्त गरेका छन् भन्ने बताएनन् ।

उनले डेनमार्क, नेदरल्यान्ड्स र विशेष गरी अमेरिकालाई १८ महिनाको प्रतीक्षापछि विमान उपलब्ध गराउन सहयोग गरेकोमा धन्यवाद दिए।

यद्यपि, जेलेन्स्कीले युक्रेनलाई थप विमानहरू चाहिने बताए।