काठमाडौं । अमेरिकी राष्ट्रपति जो बाइडेनले अर्बपति जर्ज सोरोस र पूर्व अमेरिकी विदेशमन्त्री हिलारी क्लिन्टन लगायत धेरैलाई देशको सर्वोच्च नागरिक सम्मानले सम्मानित गरेका छन्।

शनिबार ह्वाइट हाउसमा आयोजित एक समारोहमा भोग पत्रिकाका सम्पादक डेम अन्ना विन्टोर, रक ब्यान्ड उटुका प्रमुख गायिका बोनो र प्रख्यात हलिउड अभिनेता डेन्जेल वासिङ्गटनलाई यो सम्मान प्रदान गरिएको थियो ।

यस वर्ष १९ जनालाई सर्वोच्च नागरिक सम्मान प्रदान गरिएको छ । यी संस्कृति, राजनीति र सक्रियता लगायतका विविध क्षेत्रबाट आएका हुन्।

ह्वाइट हाउसले एक विज्ञप्तिमा भनेको छ, ‘पुरस्कारका लागि छानिएका व्यक्तिहरू असल व्यक्ति हुन् र उनीहरूले आफ्नो देश र विश्वका लागि असाधारण योगदान गरेका छन्।’