काठमाडौं । दोस्रो पटक अमेरिकी राष्ट्रपति बनेपछि राष्ट्रपति डोनाल्ड ट्रम्पको मन्त्रिपरिषद् बैठक पहिलो पटक हुन लागेको छ । यो बैठक स्थानीय समय अनुसार बुधबार हुने भएको छ।

अमेरिकी संविधान अनुसार, क्याबिनेट मन्त्रीहरूले आफ्नो मन्त्रालयसँग सम्बन्धित कुनै पनि विषयमा राष्ट्रपतिलाई सल्लाह दिन्छन्। अमेरिकामा मन्त्रिपरिषद् बैठक कहिले बस्ने भन्ने कुरा राष्ट्रपतिको विवेकमा निर्भर गर्दछ ।

ट्रम्पले आफ्ना मन्त्रीहरूलाई उच्च पदहरूमा नियुक्त गरेका छन् र अमेरिकी सिनेटको अनुमोदन पछि, पहिलो पटक सबै मन्त्रीहरू एजेन्डा तय गर्न एकसाथ भेला हुँदैछन्।

विशेष कुरा के छ भने ट्रम्पका नजिकका अर्बपति व्यवसायी एलन मस्क, जसलाई ट्रम्पले सरकारी दक्षता विभाग अर्थात् डीओजीईको प्रमुख बनाएका छन्, पनि यस बैठकमा उपस्थित हुनेछन्।

डीओजीई सरकारी विभागहरूमा खर्च घटाउन सिर्जना गरिएको एक सल्लाहकार निकाय हो।

हालैका समयमा, अमेरिकी सरकारमा मस्कको भूमिकाको बारेमा धेरै प्रश्नहरू उठेका छन्। राष्ट्रपति कार्यालयका अनुसार मस्क डिओजीईका नेता होइनन् तर आजको बैठकमा अन्य बैठकहरू जस्तै उनी राष्ट्रपतिको नजिकको सल्लाहकारको भूमिकामा छन्।

यद्यपि, आफ्नो पछिल्लो बयानमा, ट्रम्पले ट्रुथ सोशलमा लेखेका छन्, “सबै क्याबिनेट सदस्यहरू ट्रम्पसँग धेरै खुसी छन् र मिडियाले यो क्याबिनेट बैठकमा देख्नेछ।”