काठमाडौं । रुसको पश्चिमी कुर्स्क क्षेत्रमा युक्रेनी आक्रमणमा चार जनाको मृत्यु भएको र दुई जना घाइते भएको बताइएको छ।

क्षेत्रको टेलिग्राम च्यानलका अनुसार आक्रमण आज बिहान भएको हो। कुर्स्कका कार्यवाहक गभर्नर अलेक्ज्याण्डर खिनाश्तेले गाउँको मिलमा आक्रमण भएको र प्रारम्भिक जानकारी अनुसार मृतकहरू यस मिलका कर्मचारी भएको बताए।

यसअघि क्रेमलिनका प्रवक्ता दिमित्री पेस्कोभले रुसी सेनाले कुर्स्कमा “सफलतापूर्वक अगाडि बढिरहेको” र त्यहाँ युक्रेनी सेनाबाट गाउँहरू फिर्ता लिइरहेको बताएका थिए।

आज बिहान, रुसी रक्षा मन्त्रालयले सेनाले युक्रेनी सीमा नजिकै रहेको कुर्स्कमा पाँचवटा बस्तीहरू पुनः कब्जा गरेको बताएको छ।

युक्रेनको क्रिभी रिह, ओडेसा र खार्किभ क्षेत्रहरूमा रातभर रुसी आक्रमणपछि कुर्स्कमा युक्रेनी आक्रमणमा चार जनाको मृत्यु भएको खबर आएको छ।

युक्रेनको कुर्स्क अपरेशन अगस्ट २०२४ मा ठूलो मात्रामा घुसपैठको साथ सुरु गरिएको थियो। युक्रेनी राष्ट्रपति भोलोडिमिर जेलेन्स्कीले हालैका महिनाहरूमा यो कारबाहीले पूर्वी युक्रेनको अग्रपंक्तिका प्रमुख क्षेत्रहरूमा रूसी सेनालाई तैनाथ गर्नबाट रोक्न मद्दत गरेको बताएका छन्।