कुनै एउटी सुन्दरी आउँछिन्
उनले एक्लो महसुस गर्छिन्
तब उनका आँखा खोज्छन्
एउटा नौजवान सुन्दर

किनकी यो बसन्तको मौसम छ
रङ्गीचङ्गी फूल फुलेका छन्
हातमा हात समातेर डुल्नुछ
मायाका मीठामीठा बात मार्दै

दिउँसो सूर्यको उज्यालो किरण
रातमा चन्द्र ताराको मधूरो किरण
केन्द्रित गरिरहेनछ प्रकाशमा
माया गरिरहेका मायालुको जोडीलाई

प्रेम-भावनाको संगममा छ जीवन
कलकल रहरका झरनाहरु
हरियो वनमा मनै झुमाउने धून
सुस्तरी बहेर शीतल पवन

कुनै एउटा सुन्दर आउँछ
उसले देख्छ जवान सुन्दरी
प्रेमका वासना फैलिरहन्छ
यस्ररी नै प्रकृति चलिरहन्छ।

लस एन्जेलस