हेटौंडा । मकवानपुरको पश्चिमी क्षेत्रस्थित मनहरी गाउँपालिकामा चट्याङ लागेर एक युवकको मृत्यु भएको छ।

ज्यान गुमाउनेमा मनहरी गाउँपालिका–५ दरदरा बस्ने २८ वर्षीय अबिरल थिङ छन्।

आइतबार दिउँसो करिब ४ बजेको समयमा मनहरी–५ बसन्तपुरस्थित राप्तीखोलाको किनारमा-५ नम्बर वडाकै डिल्लीपुरबाट घरतर्फ जाने क्रममा चट्याङ लागेर उनको मृत्यु भएको मकवानपुरका प्रहरी नायव उपरीक्षक श्यामु अर्यालले बताए। चट्याङ लागेर उनका बुबासहित एक जना बालक घाइते भएका छन्।