प्रेमीसँग गर्भवती भएको झुट, बच्चा जन्माएको देखाउन ३ महिने बच्चा चोरी
A premature baby is cared for in the pediatric ward at Yekatit Hospital in Addis Ababa. One in thirty-two babies in the developing world will die within their first month. The Ethiopian government has launched new programs to train community health workers on clean and safe delivery methods and early postnatal care for the mother and baby.
डिसी नेपाल
काठमाडौं । प्रेमीलाई आफू गर्भवती भएको झुटो खबर दिएकी दैलेखकी एक किशोरीले पछि आफुले बच्चा जन्माइसकेको भन्ने प्रेमीलाई देखाउन ३ महिनाको बच्चा चोरी गरेको खुलेको छ । किशोरीका प्रेमी भारतमा छन् ।
बच्चा चोरेर जंगलमा गएकी किशोरीलाई प्रहरीले जंगलबाटै पक्राउ गरेको हो । किशोरीले प्रहरीलाई बताएअनुसार उनी आफ्नै गाउँका एक युवकसँग प्रेममा थिइन्। उनका प्रेमी कामको सिलसिलामा भारतमा छन् । उनले प्रेमीलाई आफू गर्भवती भएको झुट बोलेकी थिइन् ।
भारतमा रहेका प्रेमीलाई देखाउनकै लागि उनले बच्चा चोरी गरेको अनुसन्धानबाट खुलेको प्रहरीले बताएको छ । किशोरीले दैलेखको ठाटीकाँध गाउँपालिका १ सिराडीका बमबहादुर बुढाकी तीन महिने छोरीलाई बिहीबार बेलुकी ९ बजेतिर घरभित्रै सुतेको समयमा चोरेर लगेकी थिइन्।
बच्चा चोरेपछि उनी जंगलमा गएर बसेकी थिइन् । बच्चा चोरेको करिब १२ घण्टापछि शुक्रबार बिहान ९ बजेतिर चामुण्डाबिन्द्रासैनी नगरपालिका ३ को लामिडाँडा जंगलबाट किशोरीलाई पक्राउ गरी बालिकाको उद्धार गरेको थियो। बालिका रोएपछि दूधको खोजीका लागि किशोरी गाउँ पसेकी थिइन्। स्थानीयलाई शंका लागेपछि प्रहरीलाई खबर गरेका थिए।
No ads found for this position
Facebook Comment